Қазақстан

Емделушінің дәрі-дәрмегіне қатысты ЖҚС

 
Дәріме қатысты сұрақпен Teva компаниясына қалай хабарласуға болады?
  • Клиенттік қызметтер бөлімшеміз дәрі-дәрмекті жеткізу мен бар-жоғына қатысты сұрақтар бойынша көмектесе алады. Оларға былай хабарласуға болады: +7 (727) 325-16-15 немесе  info.tevakz@tevapharm.com
  • Осы веб-сайт арқылы жалпы сұрақ жіберуге болады. Ол үшін «Байланыс ақпаратымыз» опциясын басып, қысқа форманы толтыру керек.
  • Сұрағыңыз жағымсыз әсер күдігіне қатысты болса, жағымсыз оқиға туралы есепті мына жерге жіберіңіз:
Дәрімді қабылдау нәтижесінде жағымсыз әсер(-лер) немесе жағымсыз оқиға(-лар) пайда болса, не істеу керек?

Жағымсыз әсер немесе күтпеген реакция дәріні қабылдаудан, соның ішінде рецептісіз сатылатын дәріден немесе медициналық құрылғылардан орын алды деп ойласаңыз, дәрігерге немесе фармацевтке барынша тез хабарласқаныңыз жөн.

Өнімдеріміздің қауіпсіздігін үнемі қадағалап отыруымыз үшін осы веб-сайттың «Байланыс ақпаратымыз» бөліміндегі «Дәрінің жағымсыз әсері» атты форманы пайдаланып, бізге жағымсыз әсерлер туралы хабар беруіңізге болады.

Дәрі қорабындағы парақшаны жоғалттым, басқасын қайдан алуға болады?

Клиенттік қызмет көрсету командамызға телефон шалып +7 (727) 325-16-15 немесе info.tevakz@tevapharm.com электрондық поштасына хабарласып, көмек алыңыз.

Рецептілі дәрім қабылдап жүрген кей басқа рецептілі дәрілеріммен немесе шөпті қоспаларыммен әрекеттесе алады деп уайымдаймын. Оларды әрі қарай қабылдаудың қауіпсіз болып-болмағанын қалай біле аламын?

Рецептілі дәріңіздің ақпараттық парақшасында дәрімен бірге қабылдауға болатын және болмайтын заттарды көрсететін ақпарат болуы мүмкін. Әлі де сенімді болмасаңыз, дәріні тағайындаған медициналық маманмен кеңескеніңіз немесе фармацевтпен ақылдасқаныңыз жөн.

Таблеткаларды/капсулаларды жұтуым қиын. Таблеткаларды бөлуге немесе капсулаларды ашып, ішіндегісін тамаққа/сусынға себуге болады ма?

Дәрімен бірге жүретін ақпараттық парақшада болады деп көрсетілмесе, таблеткаларды бөлмеген немесе капсулаларды ашпаған жөн. Таблетканы бөлу немесе капсуланың ішіндегісін шығару салдарынан дәрінің әсер ету жолын өзгертіп, дәрінің қауіпсіздігі мен тиімділігіне теріс әсер етуі мүмкін. Таблеткаларды/капсулаларды жұту кезінде қиындықтар туындаса, дәрігермен немесе фармацевтпен ақылдасуыңыз керек.

Досымның менікімен бірдей ауруы бар, оған артық дәрімнің біраз мөлшерін беруіме бола ма?

Ешбір жағдайда сізге тағайындалған дәріні басқа адамға беруге болмайды. Симптомдары тура сіздікіндей болса да, дәрі оған зиян тигізуі мүмкін. 

Қажеті жоқ дәріні қалай тастауға болады?

Ешбір дәріні ақаба сумен ағызуға немесе тұрмыстық қоқыспен бірге тастауға болмайды. Қажетсіз дәріні тастаудың ең қауіпсіз жолы — оны жергілікті дәріханаға немесе басқа жергілікті мақұлданған орындарға қайтару.

Рецептімен сатылатын және рецептісіз сатылатын дәрілердің айырмашылығы неде?

Рецептімен ғана сатылатын дәріні дәріханадан дәрігердің немесе басқа білікті медициналық маманның қолы қойылған жарамды рецептін көрсетіп алуға болады.

Рецептісіз сатылатын дәрілер дәрігердің рецептінсіз сатылады әрі көбінесе фармацевт бақылауында болады.  Алайда дәрі түріне қарай сатып алуға болатын мөлшерге шектеулер қойылуы мүмкін.

Менің дәріме қатысты жеткізу мәселесі туындауы мүмкін екенін естідім. Әдеттегі рецептіні ала алмаған жағдайда не істеу керек?

Рецептіңіздің мерзімі аяқталғанша фармацевтке хабарласып біліңіз немесе Teva Клиенттік қызметіне мына жерге хабарласыңыз: +7 (727) 325-16-15 немесе info.tevakz@tevapharm.com. Әдеттегі Teva дәрісін алуға қатысты мәселе туындаса, медициналық мекемеңізге немесе фармацевтіңізге хабарласып, басқа жеткізу жолын немесе ем түрін сұраңыз.

Дәрімді қабылдау жолы туралы нұсқауларды түсінбеймін. Не істеу керек?

Сізге айтылған немесе дәрі жапсырмасына жазылған нұсқауларды түсінбесеңіз, фармацевттен қайтадан түсіндіріп беруді сұраңыз. Тіпті жазып беруді сұрауыңызға болады. Қайта сұраудан қысылмаңыз, дәріні дұрыс қабылдау денсаулығыңыз үшін маңызды.

Дәрі дұрыс әсер етпейді деп есептегенде не істеу керек?

Жаңа дәрі қабылдап жүрген жағдайда, медициналық маманмен (медбикемен, дәрігермен немесе фармацевтпен) тағайындалған дәрінің күтілетін нәтижелері туралы барынша тез сөйлескен жөн.

Әсердің жоғын да дәрінің жағымсыз реакциясы атты форманы пайдаланып хабарлау керек осы веб-сайттың «Байланыс ақпаратымыз» бөліміндегі форма.

Бөлісу: